ایران‌ده یشاوچی افغانستان‌لیک باش پناه ایزلاوچیلردن بیر قنچه‌سی، بیرلشکن ملتلر تشکیلاتی باش‌پناه ایزلاوچیلر بۉییچه کمیسارلیگی اداره‌سی اونگیده، ناراضلیک نمایش اۉتکزیب، نا انیق تقدیر بیلن دوچ بۉلگنلریدن خواطر بیلدیردی.
اوشبو ناراضلیک نمایش‌نی یۉلگه قویگن شخص‌لر، افغانستان‌ده قیتیب بارگن تقدیرده جان‌لری تهدید آستیده بۉلگنینی تاکیدلب، بیرلشکن ملتلر تشکیلاتی‌دن اولرنی احوالی خصوصیده دقت اېتیش‌لرینی سۉره‌یدی.
مذکور باش‌پناه ایزلاوچیلر تامانیدن نشر اېتیلگن بیاناتده کېلیشیچه ” بیز عیاللر حقلری فعاللری، سابق حکومت خادملری، حربی‌لر و صنعتچی‌لر، افغانستان‌ده یوز بېرگن اوزگریش‌دن کیین اولکه‌میزنی ترک اېتیب، ایران‌گه کېلیش‌گه مجبور بۉلدیک. حاضر جدی توسیق‌لیکلر و معمالر بیلن دوچ میز، آغیر حیات احوالی، حقوقی چیکلاولر و ناانیق کېله‌جک بیزنی خواطرلی بیرحالده قویگن.”
اوشبو باش‌پناه ایزلاوچیلر، بیرلشکن ملتلر تشکیلاتی باش‌پناه ایزلاوچیلر بۉییچه عالی کمیساری فیلیپو گراندی گه بیر مکتوب یازیب، وضعیت‌لریگه توجه قره‌تیلیشینی طلب قیلگن.
ایتیش کېرهک که افغانستان‌ده جمهوریت تیزیمی قوله‌شی آرتیدن کۉپلب فعاللر جبری حالده مملکت‌دن چیقدی‌لر.
ایتیش کېرهک که اۉزبېک تی‌وی اختیاریده قرار تاپکن بیاناتده اوشبو فعاللر، خوفسیزلیک خواطرلری باعث، کیم‌لیکلری سِر قالیشینی طلب قیلگن.
