افغانستان‌ده حوت آیی نینگ ۲۷ – سی ییللردن بویان «ژورنالیست‌لر ملی کونی» اوله‌راق نشان‌لنیب کېلماقده دیر.
افغانستان‌ده ژورنالیست‌لر ملی کونی شوندی بیرحالده ییتیب کېلماقده دیر که اخیرگی اوچ-یریم ییل دوامی‌ده ژورنالیست‌لر و یېتکیرمه‌لرنی فعالیتی خواطرلی بیرحالده توشیب قالگن.
حاضر افغانستان‌ده ژورنالیست‌لر فعالیتی، طالبان تامانیدن یره‌تیلگن جدی چیکلاولر بیلن یوز مه یوز بۉلیب، کۉپلب ژورنالیست‌لر ایش‌لرینی قۉل‌دن بېرگن.
رسمی معلومات‌لرگه کۉره، افغانستان‌ده عیال ژورنالیست‌لر احوالی آغیرراق بۉلیب و اولردن کمیده ۸۶ فایزی طالبان دوری‌ده ایش‌لرینی قۉل‌دن بېرگن.
شونینگدېک ژورنالیست‌لرنی حمایه‌لش نهادلری هم گزارش‌لر نشر قیلیب، افغانستان‌ده ژورنالیست‌لر فعالیتی خواطرلی بۉلگنیدن خبر بېرماقده.
بو آرهده افغانستان ژورنالیست‌لری مرکزی، قویاش ۱۴۰۳ – ییلی، طالبان تامانیدن ژورنالیست‌لر حقلری نقض اېتیلیشی اۉتگن ییل‌گه نسبتن ۲۴ فایز کۉپه‌یگنیدن خبر بېردی.
