خلقارا ساغلیقنی سقلش تشکیلاتی، افغانستان بویلب ۸۰ فایز ساغلیق مرکزلری، بودجه آزلیگی سبب فعالیتی تۉختهتیلیشی ممکنلیگیدن آگاهلنتیردی.
اوشبو تشکیلات تامانیدن نشر اېتیلگن گزارشگه کۉره، بو تشکیلات حمایهسی بیلن فعالیت قیلیب تورگن، مذکور ساغلیق مرکزلری میلادی ۲۰۲۵ – ییلی جون آییگه قدر باغلنیشی ممکن دیر.
خلقارا ساغلیقنی سقلش تشکیلاتی، اوشبو ساغلیق مرکزلری فعالیتی تۉختهتیلگن تقدیرده، ۱.۸ میلیون انسان ساغلیق خذمتلریگه قۉل تاپالمهیدی دېب بیلدیرگن.
ساغلیقنی سقلش تشکیلاتی مارچ آیی تۉرتینچیسیگه قدر بودجه ییتیشمسلیگی باعث افغانستانده ۱۶۷ ساغلیق مرکزی فعالیتی معما بیلن دوچ بۉلگنینی بیلدیریب، اوشبو قیینچیلیک تیزلیک بیلن حل اېتیلمهگن تقدیرده ینه ۲۲۰ ساغلیق مرکزی فعالیتی تۉختهتیلیشی ممکن دېگن.
