طالبان سۉزلاوچیسی ذبیح الله مجاهد، افغانستانده بیرلشکن ملتلر تشکیلاتی نینگ نمایندهلیگی یا ده «یوناما» فعالیتی ینه بیر ییلگچه اوزهیتیریلیشی خصوصوصیده فکر بیلدیردی.
طالبان سۉزلاوچیسی اۉزی نینگ ایکس صحیفهسیده نشر قیلگن بیاناتیده، یونامادن ایریم مسالهلرگه دقت اېتیشنی طلب قیلگن.
مجاهد یونامادن طالبانگه قرشی بۉلگن گزارشلرنی نشر قیلمهی، بو حاکمیت بیلن دنیا همجمعیتی علاقهلری یخشیلنیشی، طالبانگه قرشی چیکلاولر بیکار قیلینیشی، افغانستان نینگ موزلهتیلگن سرمایهلری آزاد اېتیلیشی و بیرلشکن ملتلر تشکیلاتیده افغانستان نمایندهلیگی طالبانگه تاپشیریلیشی خصوصیده سعیوحرکت اېتیشنی سۉرهگن.
طالبان بو مسالهلرنی شوندی بیرحالده تیلگه آلماقده دیر که اخیرگی اوچ – یریم ییل ایچیده، بیرلشکن ملتلر تشکیلاتی کۉپلب گزارشلریده، افغانستانده دوام اېتیب تورگن آغیر انسانی وضعیتدن خواطر بیلدیرگن.
طالبان بو گزارشلرنی نظرگه توتمهی اۉزی نینگ چیکلاولری و قتتیق یاندهشوولریگه دوام بېریب کېلماقده دیر.
