افغانستان ملی اسلامی جنبش حزبی نینگ رهبری مارشال عبدالرشید دوستم، ینگی ییل بیره‌می مناسبتی بیلن ترقه‌تگن پیامی‌ده، مملکتده دوام اېتیب تورگن احوالدن خواطر بیلدیرگن.
مارشال دوستم نینگ تاکیدلشیچه، حاضر افغانستان تقدیری سیاسی بیر فتنه سبب‌لی آغیر احوالده توشیب قالگن و بو وضعیت باعث افغانستان رواجلنیش تامان کېتیشی اۉرنیده، یۉق اېتیلماقده دیر.
مارشال دوستم اۉز پیامی‌ده ایتیشیچه “شوندی که بیله‌سیزلر ملت‌میز تقدیری بیر فتنه و کېلیشوو سبب نیابتی ظالم‌لر قۉلی‌ده قالدیریلدی. اخیرگی ییللر ایچیده مملکت‌میز رواجلنیش تامان کېتیشی اۉرنیده، آرتگه کېتیب یۉق اېتیلیش وضعیت‌گه قرار تاپکن.”
جنبش حزبی نینگ رهبری انیق، افغانستان خلقی دوچ بۉلیب تورگن اقتصادی وضعیت و قیزلر اۉقیشی برابریده‌گی چیکلاولردن تنقید قیلدی.
عینی حالده مارشال عبدالرشید دوستم بو وضعیت برابریده بی‌فرق قالمه‌ی، اوتمیش‌دن یخشی تجربه‌لر آلینیشیگه تاکید قیلگن.
شونینگدېک مارشال عبدالرشید دوستم، مملکتده برچه حضوریده کینگ قمراولی حکومت اۉرته‌گه کېلیشی‌گه امید بیلدیریب، تاکیدلشیچه “افغانستان‌ده برچه قوملر اشتراکی و ایرکین‌لیک اساسیده، عدالت‌لی همده کینگ قمراولی حکومت اۉرته‌گه کېله‌دی و بو حقده جدی تلاش‌لر دوام اېتماقده دیر.”
ایتیش کېره‌ک که حاضر اوچ – یریم ییل‌دن بویان افغانستان سیاسی تقدیری ناانیق بیرحالده دوام اېتیب، طالبان حاکمیت‌ده قالیب کېلماقده دیر.
