بیرلشکن ملتلر تشکیلاتی نینگ ایکینچیلیک و آزیق-آوقت اداره‌سی، افغانستان‌ده طبیعی موزلیکلر اقلیم اوزگریشی باعث تیز ایریشیدن آگاه‌لنتیردی.
ایکینچیلیک و آزیق-آوقت تشکیلاتی نینگ آگاه‌لنتیریشیچه، اوشبو وضعیت افغانستان‌ده سوغاریش بولیمینی تهدید قیلیب، ایکینچیلیک محصولاتلری ایشلب چیقاریلیشی برابریده جدی معما یره‌تَدی.
مذکور تشکیلات بوگون شنبه، ۲ – حمل «خلق‌ارا سوو کونی» مناسبتی بیلن نشر قیلگن بیاناتیده بو حقده معلومات بېرگن.
تشکیلات نینگ بیاناتیده کېلیشیچه “بیز بیرگه‌لیکده ایشلب، اقلیم اوزگریشی‌گه قرشی کوره‌ش ریجه‌لریمیزده طبیعی موزلیکلرنی سقلب قالیش‌نی جدی توتیش‌میز کېره‌ک دیر.”
ایتیش کېره‌ک که اخیرگی ییللر ایچیده، افغانستان اقلیم اوزگریشی جدی معمالری بیلن دوچ بۉلماقده دیر و حاضر افغانستان دنیا بویلب اقلیم اوزگریشی‌دن زیان کۉرگن مملکتلردن بیری حساب‌لنه‌دی.
