طالبان سۉزلاوچیسی ذبیح الله مجاهد، بو گروه نینگ امریکا بیلن بۉلگن دشمن‌لیگی یکونلنگن دېب اعلام قیلدی.
طالبان سۉزلاوچیسی «العربیه» یېتکیرمه‌سی بیلن اۉتکزگن صحبت‌لریده بو مساله‌نی تیلگه آلگن.
ذبیح الله مجاهد سه‌شنبه کونی ۵ – حمل نشر اېتیلگن اوشبو صحبت‌لریده، هیچ بیر دشمن‌لیک قیامت‌گه قدر دوام اېتمه‌یدی دېب، مملکت‌لردن طالبان بیلن علاقه قوریش‌لرینی سۉره‌دی.
دېیرلی طالبان اوچ-یریم ییل‌دن بیری هیچ بیر مملکت تامانیدن رسمی تَن آلینمه‌گن و حاضرگه قدر بو تۉغریده بۉلگن سعی‌وحرکتلری هم نتیجه‌سیز قالگن.
طالبان شوندی بیرحالده امریکا بیلن یخشی مناسبت‌نی خواهله‌ماقده دیر که اخیرگی کونلر ایچیده، امریکالیک بیر هیات کابل کېلیب، طالبان بیلن اوچره‌شدی.
