طالبان باش محکمه‌سی نینگ اعلام قیلیشیچه، بو گروه رهبریتی قراری‌سیده، ۵ مینگ و ۶۱۵ محبوس آزاد یاده حبس مدتی آزه‌یتیریلگن.
اوشبو اداره تامانیدن ژورنالیست‌لر اختیاریده قوییلگن معلومات اساسیده، هییت مناسبتی بیلن ۲ مینگ و ۴۶۳ محبوس آزاد اېتیلگن.
شونینگدېک طالبان باشقه ۳ مینگ و ۱۵۲ محبوس نینگ حبس مدتی آزه‌یتیریلگنینی هم اعلام قیلدی.
ایتیلیشیچه طالبان بو قرارنی تعیین‌لنگن بیر هیات تیکشیرووی‌دن کیین آلگن.
طالبان بو محبوس‌لر نیمه عیبلاولر بیلن بو گروه تامانیدن حبسگه تارتیلگنی حقیده تفصیلات بېرمە‌گن.
ایتیش کېرە‌ک که طالبان تامانیدن حبسگه آلینگن کوپلب شخص‌لر بو حاکمیت‌گه قرشی بولگن گروه‌لر اعضالیگیگه عیب‌لنیب قولگه آلینگن.
