پاکستان نینگ بیرلشکن ملتلر تشکیلاتیده‌گی ییریک دیپلومات‌لریدن بیری سیدعاطف رضا، افغانستان‌ده قالدیریلگن میلیاردلرچه ارزشگه ایگه قوراللر، ترورچی گروه‌لر قۉلی‌گه توشگنینی ادعا قیلدی.
پاکستان‌لیک بو دیپلومات، بیرلشکن ملتلر تشکیلاتی خوفسیزلیک کېنگشی نینگ ییغین‌لریدن بیری‌ده نطق سۉزلب، بو حقده خواطر بیلدیرگن.
گزارش‌لرنی بیلدیریشیچه سیدعاطف رضا، پاکستان طالبان تحریکی و بلوچستان آزادلیک گروهی مذکور قوراللردن پاکستان حکومتی‌گه قرشی ایش آله‌دی دېب تیلگه آلگن.
شونینگدېک پاکستان‌لیک بو دیپلومات بیرلشکن ملتلر تشکیلاتی‌دن بو وضعیت آلدی آلینیشی اوچون چاره-تدبیر کۉریشینی طلب قیلدی.
ایتیش کېره‌ک که پاکستان اخیرگی اوچ-یریم ییل ایچیده، بو مملکتده قرشی اۉیوشتیریلگن هجوملر، افغانستان طالبان‌لری تامانیدن قوللب-قوتلنگنینی ادعا قیلیب کېلماقده دیر. بیراق طالبان اېسه بو مساله‌نی رد اېته‌دی.
