امریکا قوشمه ایالتلری نینگ تشقی ایشلر وزیرلیگی، بو مملکت بیر هیاتی پاکستانگه سفر قیلیشیدن خبر بېردی.
امریکا تشقی ایشلر وزیرلیگی تامانیدن نشر اېتیلگن بیانات اساسیده، سهشنبه کونی ۸ – اېریل پاکستانگه سفر قیلیشی کوتیلگن اوشبو هیات، امریکا تشقی ایشلر وزیرلیگی نینگ جنوبی و اۉرته آسیا مملکتلری بۉییچه مسوولی اریک مایر باشلچیلیگیده دیر.
دېیرلی بو هیات اپریل آیی نینگ ۱۰ – سیگه قدر پاکستانده بۉلیب، پاکستانلیک رسمیلر بیلن تورلی مسالهلر حقیده فکر المشتیریشی کوتیلهدی.
امریکا تشقی ایشلر وزیرلیگی، اوشبو هیات پاکستان رسمیلری بیلن، ترورچیلیککه قرشی کورهش، پاکستان و امریکا اقتصادی و سیاسی علاقهلری همده پاکستان کانلری اوستیدهگی سرمایه یاتقیزیشلرده، امریکا حصهسی حقیده بحث قیلهدی.
