طالبان صناعت و سوداگرلیک وزیرلیگی، اۉزبېکستانلیک بیر تدبیرکار افغانستانده سرمایه یاتقیزیش اوچون تیارگرلیک کۉرسهتگن دېب اعلام قیلدی.
اۉزبېکستانلیک بو شخص، طالبان صناعت و سوداگرلیک وزیرلیگی سرپرستی نورالدین عزیزی بیلن اوچرهشیب، بو حقده فکر المشتیرگن.
طالبان صناعت و سوداگرلیک وزیرلیگی، اۉزبېکستانلیک بو تدبیرکار افغانستانده تیکووچیلیک، سمنت ایشلب چیقاریش و چاروهچیلیک ساحهلریده سرمایه یاتقیزیشگه تیار دېب بیلدیرگن.
طالبان صناعت و سوداگرلیک وزیرلیگی اۉزبېکستانلیک بو تدبیرکار ایشی اوچون قولهیلیکلر و زمینه یرهتیشینی وعده بېرگن.
ایتیش کېرهک که طالبان اخیرگی اوچ-یریم ییل جریانیده، کۉپلب چیت ایللیک تدبیرکارلر افغانستانده سرمایه یاتقیزیشگه تیارلیک کۉرسهتگنینی اعلام قیلگن. بیراق حاضرگه قدر اوشبو سرمایه یاتقیزیشلر اونچهلیک عملگه آشیریلمهگن.
