بدخشان‌ده اۉزبېک فعاللردن مسعود تیمور، طالبان استخبارات اداره‌سی تامانیدن حبسگه آلینیشیدن خواطر بیلدیره‌دی.
جناب تیمور اۉزبېک تی‌وی بیلن بۉلگن صحبت‌لریده، بوگون استخبارات خادملری اونینگ اویی‌گه کېلیب، اوکه‌سینی حبسگه آلگنینی معلوم قیله‌دی.
بو فعال نینگ ادعا قیلیشیچه، فرهنگی فعالیت‌لری باعث اوزاق مدت‌لردن بویان تهدیدلر بیلن دوچ بۉلیب کېلماقده و رمضان آیی نینگ ۱۵ – کونی اونگه دارو هم بېریلگن.
تیمور نینگ اۉزبېک تی‌وی گه ایتیشیچه “جمهوریت و امارت دوری‌ده هم بیزنی فعالیت‌لریمیز سبب بیران سناریولر اوستیمیزده ریجه‌لشتیریلیشی مقصدگه توتیلگن، رمضان ۱۵ ده بیزگه نان‌می چای‌می آرقه‌لی دارو بېردی‌لر، ایاغ‌دن قالگن اېدیم کیین کابلده باریب دوالندیم بیراز یخشی بۉلدیم.”
مسعود تیمور بوگون طالبان کوچلری اونینگ حبسگه آلیش مقصدیده اویی‌گه کېلگنی و اوکه‌سینی اوشله‌گنی حقیده ایتیشیچه “بوگون استخبارات اختریب کېلگن اېدی. مینی تاپالمه‌دی اوکه‌م نی اۉزلری بیلن آلیب کېتیب، تیمورنی اوشله‌نیشیگه قدر اوکه‌سی بیز بیلن قاله‌دی دېب بیلدیردی. شو اوچون مین حبسگه آلینیشیم ممکن مین اوشله‌نگندن ایلگری خلق‌میز احوالیم‌دن خبر بۉلیشینی خواهله‌دیم.”
مسعود تیمور حاضرگه قدر هم، بدخشان‌ده طالبان اداره‌لریده بار اۉزبېک طالب‌لر یاردمی بیلن حبسگه آلینمه‌گنینی تاکید قیله‌دی.
ایتیش کېره‌ک که بوندن ایلگری، بدخشان‌ده اۉزبېک فرهنگی فعاللر فعالیت قیلمسلیککه تهدید اېتیلگن اېدی.
