تخار ولایتیدن محلی منبع‌لرنینگ اۉزبېک تی‌وی گه ایتیشیچه، بو ولایتده طالبان محلی رسمی‌لری جمله‌دن اخبارات و مدنیت ریاستی ژورنالیست‌لرگه پیام یوباریب، بوندن کیین طالبان محلی رسمی‌لری و دولتی اداره‌لریدن صورت و ویدیو آلمسلیکلرینی بویروغ بېرگن.
دېیرلی بو بیلن تخار ولایتیده‌گی ژورنالیست‌لر، دولتی اداره‌لر و محلی رسمی‌لردن صورت و ویدیولر آلمسلیکلری کېره‌ک بۉله‌دی.
تخار ولایتیده طالبان اخبارات و مدنیت ریاستی تامانیدن بو حقده ژورنالیست‌لرگه یوباریلگن بیاناتده کېلیشیچه“امر بالمعروف و نهی عن المنکر قانونی همده بو قانون‌نی عملگه آشیریش مقصدیده اۉتکزیلگن ییغین قراری اساسیده، بوتون محلی یېتکیرمه‌لردن محلی اداره‌لر و رسمی‌لردن صورت و ویدیو آلمسلیکلری طلب قیلینه‌دی، بو اېسه جدی تقیقلنگن، ژورنالیست‌لر آگاه بۉلسین.”
دېیرلی تخار ولایت اخبارات و مدنیت ریاستی بیاناتی‌گه کۉره، بو ولایتده طالبان محلی رسمی‌لری اۉتکزگن بیر ییغین‌لریده بو مساله خصوصیده قرار قیلگن.
ایتیش کېره‌ک که بوندن ایلگری هم، تخار ولایتی ژورنالیست‌لری برابریده مذکور چیکلاو یره‌تیلیب و اعلام اېتیلگن اېدی.
طالبان امر بالمعروف و نهی عن المنکر قانونی نینگ ۱۷ – ماده‌سی اساسیده بو چیکلاو یره‌تگن، بیراق حاضرگه قدر بو چیکلاو تخار شامل یالغیز بیر نیچه ولایتده عملگه آشیریلیشی رسمی اعلام اېتیلگن.
