افغانستان ژورنالیست‌لری مرکزی بیر بیانات نشر قیلیب، طالبان نینگ جوزجان، زابل و پروان ولایتلریده یېتکیرمه‌لر فعالیتی برابریده‌گی چیکلاولریدن خبر بېردی.
بو مرکزی تامانیدن نشر اېتیلگن بیانات اساسیده، طالبان اوشبو ولایتلرده‌گی محلی یېتکیرمه‌لرنی جانلی ذات‌لردن صورت و ویدیو نشر قیلیش‌دن تقیق‌لگن.
ایتیلیشیچه جوزجان ولایتیده امر بالمعروف و نهی عن المنکر ریاستی، بو حقده بۉلگن بویروغ‌نی یېتکیرمه‌لرگه ییتیشتیرگن. شونینگدېک پروان ولایتیده هم بو قرار بو ولایت اخبارات ومدنیت ریاستی تامانیدن نشر اېتیلگن.
عینی حالده، طالبان اوشبو قرار اساسیده زابل ولایتیده ملی تلویزیون یایین‌لرینی تۉخته‌تیب، بو یېتکیرمه‌نی رادیوگه اوزگرتیرگن.
ایتیش کېره‌ک که بوندن ایلگری، تخار و بدخشان ولایتلریده هم خودی شوندی قرار آلینگنی خبر قیلینگن اېدی.
