اسلامی همکارلیکلر تشکیلاتی‌گه اعضا مملکتلر یوقاری مرتبه‌لی رسمی‌لری، تورکیه نینگ آنتالیا شهریده اۉتکزگن ییغین‌لری یکونی‌ده، یقین شرق احوالی آغیرلشیب باره‌یاتکنیدن خبر بېردی.
تورکیه تشقی ایشلر وزیری خاقان فیدان باشچیلیگیده اۉتکزیلگن بو ییغین‌ده، غزه و یقین شرق منطقه‌سی نینگ باشقه تورلی منطقه‌لری احوالی تیکشیریلگن.
بو ییغین یکونی‌ده نشر اېتیلگن مشترک بیاناتده کېلیشیچه “منطقه سۉزلشوولر، خلق‌ارا ریجه‌لر، تۉقنه‌شوو و اوروش‌لر جدیلشگنی کبی اینتیلیش‌لرگه گواه بۉلماقده دیر. شوندی بیر وضعیتده‌گی سیاسی آغیر احوال و انسانی فاجعه هیچ قچان بونچه‌لیک یامان‌لشگن اېمس اېدی.”
عینی حالده، آنتالیا ییغینی اشتراکچیلری، غزه بحرانی‌گه ییچیم یۉل تاپیش اوچون ایکی دولت‌لیک ریجه‌سی خصوصیده سعیوحرکت اېتیلیشینی تکلیف قیلگنلر.
مذکور ییغین اشتراکچیلری نینگ بو حقده‌گی مشترک بیاناتیده کېلیشیچه “بیزنینگ ایشانچ‌میزگه کۉره، ایکی دولت‌لیک ریجه‌سی عملگه آشیریلیش اوچون هیچ قندی یوتوق‌لیک یۉق‌لیگی، ترورچیلیک و زوره‌وانلیکلرنی تورلی کۉرینیش‌لرده کۉپه‌یتیره‌دی.”
ایتیش کېره‌ک که اوشبو ییغین‌ده، تورکیه‌گه قوشیمچه، سعودی عربستان، اندونیزیا، قطر، بحرین و شونگه اوخشش باشقه بیر قنچه مملکتلر اشتراک قیلگن اېدی.
