تخارده اۉزبېک تی‌وی منبع‌لری نینگ ایتیشیچه، بو ولایتده طالبان رهبری تامانیدن یقینده یوباریلگن والی مولوی سیف الله حزب الله و خوفسیزلیک قومندان ملا عزیزالله، بو ولایتده محلی اۉزبېک طالب‌لر منطقه‌دن اوزاق‌لشتیریش‌گه باشله‌گن.
منبع‌لرنینگ ایتیشیچه، طالبان اخیرگی کونلر ایچیده، اۉزی نینگ ایکی قومندانی بۉلمیش محمداسماعیل فاروق و عبدالقادر حامدنی بو قومندان‌لرنینگ نفوذلی منطقه‌سیدن اوزاق‌لشتیریب، باشقه منطقه‌لرگه یوبارگن.
ایتیلیشیچه، طالبان سابق والی اۉرین باسرلیگی لوازمی‌ده ایش بجرگن محمداسماعیل فاروق نینگ قویی لوازم حساب‌لنگن، ورسج اولسواللیگی خوفسیزلیک قومندانی تعیین قیلگن و چاه‌آب سابق ولسوالینی سمنگان ولایتی تاشقرغان ولسوالی اوله‌راق تعیین قیلگن.
طالبان بو ایش، تخارلیک بو قومندانلری ناراض بیرحالده بجرگن و منبع‌لرنینگ ایتیشیچه، تخار ولایتیده طالبان والیسی و خوفسیزلیک قومندانی بو قرارنی سیاسی و قومی توشینچه اساسیده آلگن.
اۉزبېک تی‌وی منبع‌لری نینگ آرتیق‌لشیچه، طالبان نینگ تخار ولایتیده والیسی و خوفسیزلیک قومندانی، اۉزبېک بو قومندانلری اۉرنیده، اۉزلری‌گه یقین پشتون‌لرنی اولسوال اوله‌راق تخارده آلیب کېلیب، محلی حکومتده جایله‌شتیرماقده دیر.
منبع‌لردن بیری نینگ اۉزبېک تی‌وی گه ایتیشیچه “بو ایکی قومندان تخارده مردمی کوچ‌گه ایگه اېدی. شو اوچون اولر لوازملریدن چیت‌لنتیریلیب، باشقه ییرگه یوباریلدی. تخارلیکلر بو قراردن ناراض دیر و اسلام امیرلیگی رسمی‌لرینی اۉزبېک قومندان‌لرگه قرشی توجه‌سیزلیککه عیب‌له‌یدی.”
منبع‌لرنینگ تاکیدلشیچه، تخارده طالبان اۉزبېک قومندانلری بو ولایتده طالبان رهبریتی تامانیدن والی و خوفسیزلیک قومندان پشتون‌لردن بۉلگنی اوچون ناراض دیر.
ایتیش کېره‌ک که طالبان اوچ-یریم ییل حاکمیتی دوری‌ده، اۉزبېک قومندان‌لرینی، اۉز منطقه‌لریدن اوزاق‌لشتیریش‌گه اولگورگن. خودی شوندی قرار بوندن ایلگری اۉزبېکلر یشاوچی باشقه ولایتلر جمله‌دن فاریاب‌ده هم عملگه آشیریلگن.
طالبان اوشبو سیاستی دوامی‌ده، حاضرگه قدر بو گروه نینگ تانیقلی اۉزبېک قومندانلری جمله‌دن قاری صلاح الدین ایوبی، مخدوم محمدعالم و مولوی نورالدین‌نی نفوذلی منطقه‌لریدن اوزاق‌لشتیریش‌گه اولگورگن.
