رویترز امریکا قوشمه ایالتلری حکومتی نینگ رسمی حجت‌لری اساسیده، بیر گزارش نشر قیلیب، بو مملکت جمهور باشلیغی دونالد ترامپ، تشقی ایشلر وزیرلیگی بودجه‌سینی یریم‌گه آزه‌یتریشیدن خبر بېردی.
اوشبو گزارش اساسیده، ترامپ حکومتی بو قراری عملگه آشیریلگن تقدیرده، دنیا بویلب امریکانینگ ۳۰ گه یقین دیپلوماتیک نماینده‌لیگی باغلنیشی و تشقی ایشلر وزیرلیگی آرقه‌لی بۉلگن انسان‌پرورلیک یاردملر آزه‌یشی کوتیله‌دی.
رویترز گزارشی نینگ بیلدیریشیچه، ترامپ حکومتی میلادی ۲۰۲۶ – ییل تشقی ایشلر وزیرلیگی بودجه‌سینی ۵۴.۴ میلیارد دالردن ۲۸.۴ میلیارد دالرگه آزهیتیریشگه قرار قیلگن که بو قرار عملگه آشیریلیشی امریکا نماینده‌لر کېنگشی تامانیدن تصدیق‌لنیشی کېره‌ک دیر.
شونیندېک ترامپ حکومتی تشقی ایشلر وزیرلیگی همده امریکا نینگ خلق‌ارا رواجلنیش تشکیلاتی یا ده «USAID» آرقه‌لی بۉلگن انسان‌پرورلیک یاردملر هم ۳۸.۳ میلیارد دالردن ۱۶.۹ میلیارد دالرگه آزه‌یشی خصوصیده قرار آلماقده دیر.
ایتیش کېره‌ک که دونالد ترامپ حکومت‌گه قیتگنیدن بیری، بو مملکتده تورلی اداره‌لر بودجه‌لرینی آزه‌یتیریب مینگلرچه شخص‌نی ایش‌دن بوشه‌تگن.
