طالبان تشقی ایشلر وزیرلیگی بیر بیانات نشر قیلیب، افغانستان‌ده بیرلشکن ملتلر تشکیلاتی نماینده‌لیگی یاده «یوناما»نی، طالبان تامانیدن عملگه آشیریلگن اعدام‌لر برابریده‌گی مناسبتی‌دن آگاه‌لنتیردی.
طالبان تشقی ایشلر وزیرلیگی، قصاص حکمی عملگه آشیریلیشی، بو حاکمیت اساسی بورچ‌لریدن دېب، یونامادن بو حقده تنقید قیلمسلیگینی سۉره‌دی.
بو وزیرلیک تامانیدن ژورنالیست‌لر اختیاریده قوییلگن بیاناتده کېلیشیچه “تشقی ایشلر وزیرلیگی شرعی حُکم‌لر برابریده تنقید قیلیش‌گه جسارت قیلیش ناتۉغری و یوناما ماموریتی‌گه قرشی بیر ایش دېب بیلدیره‌دی. یوناما کېله‌جکده بو مساله‌دن قۉل تارتیشی کېره‌ک دیر.”
ایتیش کېره‌ک که اخیرگی کونلر ایچیده طالبان تامانیدن تۉرت کیشی نیمروز، فراه و بادغیس ولایتلریده دارگه آسیلگن اېدی.
یوناما طالبان بو قراری‌گه قرشی مناسبت بیلدیریب، بو مساله‌نی انسان‌لرنینگ تیریکچیلیک حقی‌گه قرشی دېب اعلام قیلدی.
