اخیرگی بیر ییل ایچیده، سپورت و فوتبال بیلن قیزیققن هر بیر انسان، دنیا بویلب یېتکیرمه‌لر تامانیدن نشر اېتیلگن خبرلرده «اۉزبېکستان» آتینی هیچ بۉلمسه بیر مراتبه ایشیتگنی انیق دیر.
بو اېسه اۉزبېکستان؛ سپورت عالمی‌ده قنچه‌لیک رواجلنیب باره یاتکنیدن دلالت قیله‌دی و اۉزبېکستان اېسه اخیرگی بیر ییل ایچیده، سپورت عالمی نینگ تورلی ساحه‌لریده، یوتوق‌لری سبب آسیاده نمونه بۉلماقده دېسه‌ک اده‌شمه‌گن بۉله‌میز.
دنیا مملکتلری اینقسه سعودی عربستان کبی مملکتلری سپورت‌لری رواجلنیشی اوچون یوزلرچه میلیون صرف قیلماقده بۉلسه‌ده، بیراق اۉزبېکستان‌لیکلر شوندی مملکتلر و سرمایه یاتقیزیش‌لر آره‌سیدن، کوچلی چیقیب، اۉز استعداد و مهارت‌لرینی دنیاگه کۉرسه‌تماقده دیر.
اۉزبېکستان بو موفقیت‌لرینی اۉتگن میلادی ییل پاریس‌ده اۉتکزیلگن المپیک اۉیین‌لریده نمایش‌گه قۉییب، آسیا و دنیا نینگ کۉپلب مملکتلریدن یوقاری توریب دنیانینگ ۱۳ – اۉرینینی اۉزی‌دن قیلدی. بو یوتوق اۉزبېکستان‌ده سپورت قنچه‌لیک رواجلنگنی کۉرسه‌تیب، دنیا مملکتلرینی حیرت‌ده قالدیردی.
بو یوتوق دوامی‌ده اۉزبېکستان فوتبالچی‌لری، اخیرگی بیر ییل ایچیده آسیا نینگ قیمتلی فوتبالچی‌لریگه اَیله‌نیب، اۉزبېکستان‌ده تربیه‌لنیب چیققن عبدالقادر حُسن‌اف دنیا نینگ ییریک فوتبال جماعه‌لریدن بیری «منچستر سیتی» فوتبال جماعه‌سیگه قوشیلدی. بو قوشیلیش هم اۉزبېکستان نامینی ینه بیربار ېیتکیرمه‌لر خبری عنوانی‌ده آلیب کېلدی.
شونینگدېک بو یوتوق‌لر دوامی‌ده، اۉتگن کیچه اۉزبېکستان نینگ ۱۷ یاش‌دن کیچیک فوتبال ملی تیرمه جماعه‌سی، اۉزلریدن سعودی عربستان برابریده کوچلی بیر اۉیین کۉرسه‌تیب، غلبه قازاندی و بو غلبه بیلن آسیانینگ نوبتده‌گی قهرمانی‌گه اَیلهندی.
اۉزبېکستان اوسمیر فوتبال ملی تیرمه جماعه‌سی، سعودی عربستان برابریده بوندی کوچلی میدان‌گه چیققنی مناسبت‌لرنی اۉرته‌گه آلیب کېلیب، کېله‌سی ییللر میلیاردلرچه پول خرجت قیلیب فوتبالینی رواجلنتیریش‌گه اولگوریب یاتکن سعودی عربستان دیک مملکتلر اوچون اۉزبېکستان جدی بیر رقیب دېب فکرلر بیلدیریلماقده دیر.
دېیرلی بو یوتوق‌لر البته دولتی حمایه‌سیز ممکن اېمس اېدی. اۉزبېکستان جمهور باشلیغی شوکت میرضیایف سپورت‌دن بۉلگن حمایه‌سی دوامی‌ده، بیر بویروغ بېریب، اۉزبېکستان نینگ ۱۷ یاش‌دن کیچیک فوتبال ملی تیرمه جماعه‌سی اعضالرینی، دولت مداللری و مکافات‌لری بیلن آلقیشله‌دی.
بیر نرسه‌نی ایتیب اوتیش لازم که اۉزبېکستان نینگ ۱۷ یاش‌دن کیچیک فوتبال ملی تیرمه جماعه‌سی، فوتبال عالمی‌ده بو مملکت نینگ کېله‌جکده‌گی وکیللری دیر. اولرنینگ آسیاده کوچلی قهرمان بۉلگنی یقین ییللر ایچیده اۉزبېکستان فوتبال عالمی‌ده، اۉزی نینگ کوچلی کۉرسه‌تیشی حقیده ایشانچلرنی کۉپه‌یتیرگن.
