طالبان صناعت و سوداگرلیک وزیرلیگی نینگ اعلام قیلیشیچه، افغانستان و قزاقستان آره‌سیده ۱۴۰ میلیون دالر ارزش‌گه ۲۰ شرطنامه امضالنگن.
طالبان صناعت و سوداگرلیک وزیرلیگی تامانیدن نشر اېتیلگن معلومات‌گه کۉره، اوشبو کېلیشوولر، طالبان رسمی‌لری و قزاقستان باش وزیری نینگ اۉرین باسری سیریک ژومانگارین حضوریده، اۉتکزیلگن ییغین‌ده امضالنگن.
دېیرلی مذکور شرطنامه‌لر جمله‌سیدن ۱۷ شرطنامه سوداگرلیک ساحه‌سیده و باشقه ۳ شرطنامه اېسه همکارلیک ساحه‌ده دیر.
طالبان مذکور شرطنامه‌لر، لوژستیک، دارو، آزیق-آوقت، ایچیملیکلر، کییم-کیچک، کیمیاوی ماده‌لرنی ایشلب چیقاریش همده ایکینچیلیک و قوریلیشی ساحه‌لریده بۉلگنینی بیلدیرگن.
ایتیش کېره‌ک که اوشبو کېلیشوولر، کابلده یۉلگه قۉییلگن «قزاق-افغان» سوداگرلیک مجموعه‌سی چارچوبه‌سیده امضالنگن.
