اۉزبېکستان جمهورلیک ریاستی نینگ مطبوعات خذمتی، تورکمنستان ملی رهبری و بو مملکت خلق مصلحتی کېنگشی نینگ باشلیغی قربانقلی بیردی محمدوف، رسمی تشریف بیلن سمرقندگه کېلیشیدن خبر بېردی.
اۉزبېکستان جمهورلیک ریاست مطبوعات خذمتی تامانیدن بېریلگن معلومات اساسیده، تورکمنستان‌لیک بو ییریک مقام بوگون و اېرته (۲۳ – و ۲۴ – اپریل» اۉزبېکستان‌ده بۉله‌دی.
ایتیلیشیچه تورکمنستان ملی رهبری، اۉزبېکستان جمهور باشلیغی شوکت میرضیایف چقیرووی اساسیده بو مملکتگه سفر قیلماقده دیر.
تورکمنستان ملی رهبری و اۉزبېکستان رسمی‌لری آره‌سیده اۉتکزیلیشی ریجه‌لشتیریلگن ملاقاتده، ایکی مملکت‌ارا استراتیژِیک شریک‌لیک مناسبت‌لرینی ینه‌ده مستحکم‌لشتیریش، سودا، سیاست، مدنیت و ترانسپورت ساحهلریدهگی کۉپ قیرره‌لی همکارلیکلر محاکمه اېتیلیشی بیلدیریلگن.
