پاکستان تشقی ایشلر وزیرلیگی نینگ اعلام قیلیشیچه، بو مملکت و روسیه رسمیلری، مسکوده اۉتکزیلگن بیر ییغینده، ترورچیلیک تهدیدلریگه تېگیشلی مسالهلر حقیده فکر المشتیرگن.
دېیرلی بو ییغین اۉتگن کون سهشنبه ۲ – ثور، ترورچیلیککه قرشی کورهش خصوصیده پاکستان و روسیه مشترک ییغینی نینگ ۱۱ – دوری چارچوبهسیده اۉتکزیلگن.
پاکستان تشقی ایشلر وزیرلیگی تامانیدن نشر اېتیلگن بیاناتده کېلیشیچه “ایکی تامان منطقوی و خلقارا ترورچیلیک تهدیدلری اینقسه افغانستان و منطقهده اوزگریب بارهیاتکن ترورچیلیک تهدیدلری حقیده چوقور بحثلر قیلدی.”
مذکور ییغین پاکستانلیک ییریک دیپلومات نبیل منیر و روسیه تشقی ایشلر وزیرلیگی نینگ اۉرین باسری سرگی ورشینین آرهسیده بۉلیب اۉتگن.
ایتیش کېرهک که طالبان حاکمیتی دوریده، افغانستاندن بۉلگن ترورچیلیکدن تورلی مملکتلر خواطرلری دوام اېتماقده دیر. طالبان اېسه بو خواطرلرنی ناتۉغری بیان قیلهدی.
