بیرلشکن ملتلر تشکیلاتی نینگ ایکینچیلیک و آزیق-آوقت اداره‌سی یا ده « فائو» جاری ییل، تورکستان و قطغن ولایتلریده‌گی ایکینزارلر مراکشی چیگیرتکه/ملخ‌لرنینگ جدی هجومی بیلن دوچ بۉلیشیدن آگاه‌لنتیردی.
بیرلشکن ملتلر تشکیلاتی نینگ بو اداره‌سی تامانیدن نشر اېتیلگن گزارش‌ده تاکیدلنیشیچه “افغانستان شمالی ولایتلری ایکی ییل‌دن بیری مراکشی چیگیرتکه‌لر هجومی تهدیدی آستیده دیر، بو آفت اېسه بوغدای ایشلب چیقاریش، کوکلم‌زارلر یرهتیلیشی همده جماعه نینگ آزیق-آوقت خوفسیزلیگی برابریده جدی بیر خواطر یره‌تگن.”
بیرلشکن ملتلر تشکیلاتی نینگ ایکینچیلیک و آزیق-آوقت اداره‌سی، بو تهدید برابریده جدی چاره-تدبیر کۉریلمه‌گن تقدیرده، افغانستان اوچون جدی اقتصادی زیان اۉرته‌گه آلیب کېلیشی ممکن دېب آگاه‌لنتیرگن.
فائو تشکیلاتی نینگ اورغولشیچه“افغانستان جمعیتی جمله‌سیدن ۸۰ فایزی ایکینچیلیک آرقه‌لی روزغار اۉتکزگنی و بیرلشکن ملتلر تشکیلاتی بو جمله‌دن اوچ حصه‌سیدن بیر حصه‌سینی آغیر قشاق‌لیک درجه‌ده قرار بېرگن بیرحالده، چیگیرتکه‌لر آفتی اولرنینگ حیاتی اوچون جدی دیر.”
بیرلشکن ملتلر تشکیلاتی انیق بلخ، سمنگان، بغلان، کندوز و تخار ولایتلری ایکینزارلری، چیگیرتکه‌لر تهدیدی‌دن کۉپراق زیان کۉرینیشی اعلام قیلگن.
