اۉزبېکستان تشقی ایشلر وزیرلیگی نینگ مطبوعات کاتبی احرار برهان‌اف، بو مملکت تشقی ایشلر وزیری بختیار سعیدوف و روسیه تشقی ایشلر وزیری سرگی لاوروف آره‌سیده مذاکره باشلنگنیدن خبر بېردی.
برهان‌اف تامانیدن ایکس صحیفه‌سیده نشر اېتیلگن بیانات‌گه کۉره، اوچره‌شووده ایکی تامانلمه مناسبت‌لرگه قوشیمچه، منطقوی و خلق‌ارا مساله‌لر تۉغریسیده هم فکر المشتیریله‌دی.
اۉزبېکستان تشقی ایشلر وزیرلیگی مطبوعات کاتبی نینگ یازیشیچه ” مذاکره‌لر دوامی‌ده ایکی تامانلمه استراتیژیک شریک‌لیک ینه‌ده مستحکم‌لشگه خصوصن قۉشمه لایحه‌لرنی عملگه آشیریش و قطار ساحه‌لرده همکارلیکلرنی کینگه‌یتیریش‌گه علیحده اعتبار قره‌تیلیشی کوتیلماقده.”
دېیرلی اۉزبېکستان و روسیه تشقی ایشلر وزیرلری، منطقوی و خلق‌ارا مساله‌لر حقیده هم بحث قیلگنی تاکیدلنگن. بیراق حاضرگه قدر اوشبو مساله‌لر خصوصیده تفصیلات بېریلگن اېمس.
شونینگدېک بو ایکی مملکت مذاکره‌لریده، افغانستان حقیده هم فکر المشتیریلیشی هلی‌گچه انیق بیللی بۉلمسه‌ده بیراق مذاکره‌ده، اۉزبېکستان جمهور باشلیغی نینگ افغانستان بۉییچه مخصوص وکیلی عصمت الله ایرگش‌اف هم حضوری بارلیگی کۉرینه‌دی.
