افغانستان‌ده طالبان حاکمیت‌گه قیتگنی نینگ تورکستان و قطغن اوستیده‌گی جدی خواطرلریدن بیری، بو منطقه‌لرده ناقللر جایله‌شتیریلیشی و طالبانی فکرلر مستحکم‌لشتیریلیشی اېدی که حاضر اوشبو خواطر رسمی بیر کۉرینیش‌ده بجریلماقده دیر.
طالبان اۉتگن کونلر ایچیده، فاریاب، جوزجان و سرپلده، قیتیب کېلگن مهاجرلر اوچون شهرچه توزاتیب، بو ییرده پاکستان‌دن آلیب کېلینگن عایله‌لرنی جایله‌شتیرماقده دیر.
طالبان بو سیاستی، افغانستان معاصر تاریخیده حاکمیت‌لر تامانیدن تورکستان و قطغن‌ده اۉزبېکلر و تورکمن‌لر کوچ‌نی آزه‌یتیریش مقصدیده قۉلگه آلینگن ریجه دیر که حاضر طالبان بو ریجه‌نی آچیق عملگه آشیرماقده.
فاریاب، جوزجان و سرپلده شهرچه توزالیشی، ایندی بو منطقه‌لرده طالبان‌دیک فکرلی عایله‌لر جایله‌شتیریش و ناقللرنی کوچیریش شوم ریجه‌سی کوچلی عملگه آشیریلیشی دیر.
طالبان فاریاب‌ده تۉرت مینگ جریب ییرنی مهاجرلر اوچون شهرچه توزاته‌دی، جوزجان‌ده ایکی مینگ جریب ییر و سرپلده اېسه بیرمینگ ۲۴۰ جریب ییرنی بو خصوصده اجره‌تیب، اۉزلری ریجه‌لریگه اساس عایله‌لرنی جایله‌شتیریب، فاریاب، سرپل و جوزجان اهالیسی کۉرمه‌گن امکانیت‌لر و حیات قولهیلیکلرینی اولرگه یره‌تَدی.
طالبان تامانیدن بو ریجه عملگه آشیریلیشی نینگ اچینرلی بیر تامانی، بو ریجه عبدالسلام حنفی دیک اۉزبېکلرتامانیدن عملگه آشیریلیشی دیر که کۉپلب فعاللر اجتماعی صحیفه‌لرده بو ریجه عملگه آشیریلیشی و اونگه بۉلگن اۉزبېک طالب‌لرنینگ حصه‌سیدن تنقید قیلماقده دیر.
