فاریاب ولایتیده طالبان خوفسیزلیک قومندانلیگی نینگ اعلام قیلیشیچه، بو ولایت بیلیم یورتی یاتاقخانهسیده، ایکی طلبه آرهسیده یوز بېرگن جنجل عاقبتیده، بیر طلبه اۉلدیریلگن.
فاریاب خوفسیزلیک قومندانلیگی نینگ ایتیشیچه، اوشبو واقعه پنجشنبه کونی ۴ – ثور توشدن کیین، ساعت ۲:۰۰ اطرافیده یوز بېرگن.
واقعهده محمدعالم اۉغلی فروغ ناملی طلبه، امیرمحمد اۉغلی حبیب الله تامانیدن اۉلدیریلگن.
ایتیلیشیچه فروغ و حبیب الله ایکاوی هم، بدخشان ولایت یشاوچیسی و فاریاب بیلیم یورتی طلبهلری اېکن.
حبیب الله ناملی طلبه آدم اۉلدیریشگه عیبلنیب، طالبان کوچلری تامانیدن قۉلگه آلینگن.
ایتیش کېرهک که بو واقعه انیق نیمه سبب یوز بېرگنی هلیگچه بیللی اېمس.
