طالبان حاکمیتی نینگ سیناولر ملی ادارهسی تامانیدن، قویاش ۱۴۰۴ – ییل کانکور سیناوی قچان اۉتکزیلیشی اېتیلدی.
بو اداره رسمیلری نینگ اعلام قیلیشیچه، جاری ییل کانکور سیناوی بیش باسقیچده بۉلیب، جوزا آیی نینگ ۷ – سی باشلنیب، سرطان آیی نینگ ۲۰ – کونیگه قدر دوام اېتهدی.
بو ییل کانکور سیناوی بیرینچی باسقیچی جوزا آیی نینگ ۷ – سیدن ۹ – سیگه قدر، میدان وردک، لوگر، پروان، پنجشیر، کاپیسا، غزنی، پکتیکا، بغلان، غور، بامیان و دایکندی ولایتلریده اۉتکزیلهدی. ایکینچی باسقیچ ۲۸ – جوزا الی ۳۰ – جوزاگه قدر ننگرهار، قندهار، نیمروز، پکتیا، نورستان، لغمان، هلمند، زابل، کنر، خوست، فراه و ارزگان ولایتلریده بۉلیب اۉتهدی.
تخار، جوزجان، بادغیس، کندوز، سرپل، هرات، بلخ، فاریاب، سمنگان و بدخشان ولایتلری کانکور سیناوی اوچینچی باسقیچده اوچینچی سرطاندن آلتینچی سرطانگه قدر اۉتکزیلهدی.
کانکور سیناوی نینگ تۉرتینچی باسقیچی ۱۳ – سرطان کونی اۉتکزیلیب، بوگون کابل کانکور سیناوی آلینهدی.
شونینگدېک بو ییل کانکور سیناوی نینگ بیشینچی سیناوی ۲۰ – سرطان کونی اۉتکزیلیب، بوگون دینی مدرسهلر اۉقووچیلری، چیتایلدن فارغ بۉلگنلر، ولایتلردن قالگنلر و کیچه مکتب اۉقووچیلریدن آلینهدی.
ایتیش کېرهک که طالبان بو ییل هم کانکور سیناوینی قیزلر حضورسیزلیگیده اۉتکزماقده دیر.
