طالبان تشقی ایشلر وزیرلیگی سۉزلاوچیسی نینگ اۉرین باسری ضیااحمد تکل، ژورنالیستلر بیلن شریک قیلگن معلوماتیده، بو وزیرلیک سرپرستی امیرخان متقی، اۉزبېکستان تشقی ایشلر وزیری بختیار سعیدوف بیلن تلیفونی ملاقات قیلگنیدن خبر بېردی.
طالبان تشقی ایشلر وزیرلیگی نینگ اعلام قیلیشیچه، اوشبو ملاقاتده ایکی تامانلمه همکارلیکلر و ایریم باشقه مسالهلر خصوصیده فکر المشتیریلگن.
بو حقده طالبان تشقی ایشلر وزیرلیگی نینگ ایتیشیچه “ایکی مملکت تشقی ایشلر وزیرلری، ایکی تامانلمه و هرتامانلمه همکارلیکلر آشیشی، سیاسی، اقتصادی و ترانزیتی همکارلیکلری کینگهیشی، افغان-ترانس لایحهسی عملگه آشیریلیشی و اۉزبېکستان، افغانستان و پاکستان تشقی ایشلر وزیرلری نینگ مشترک ییغینی اۉتکزیلیشی حقیده صحبت قیلدی.”
شونیندېگ طالبان نینگ ادعا قیلیشیچه، اۉزبېکستان تشقی ایشلر وزیری، طالبان بیلن اۉزبېکستان مناسبتلری یخشی بیان قیلیب، میلادی جاری ییل باشلنگنیدن بیری، افغانستان نینگ اۉزبېکستانگه بۉلگن صادرات رقمی اوچ برابر کۉپهیگنینی تیلگه آلگن.
عینی حالده اۉزبېکستان تشقی ایشلر وزیری افغانستان وطنداشلریگه ویزا ترقهتیش اوچون قولهیلیکلر یرهتیلیشیدن هم وعده بېرگن.
طالبان نینگ ایتیشیچه “اۉزبېکستان تشقی ایشلر وزیری ایکی، مملکتارا سوداگرلیک و ترانزیت ساحهلریده اینقسه افغانستان وطنداشلریگه ویزا ترقهتیلیشی تۉغریسیده قولهیلیکلر یرهتیلیشیگه وعده بېردی.”
ایتیش کېرهک که اۉزبېکستان طالبان بیلن یخشی علاقهده بۉلگن مملکتلر جملهسیدن دیر.
