تورکیه جمهور باشلیغی رجب طیب اردغان، بوگون بو مملکت استانبول شهریده، تورکیه نینگ اخیرگی بیر عصر ایچیده مهاجرت سیاستی حقیده اۉتکزیلگن ییغین‌ده نطق سۉزله‌دی.
تورکیه جمهور باشلیغی نینگ تاکیدلشیچه، بو مملکت ناقانونی مهاجرت و انسان قاچاقچی‌لری برابریده، بی‌فرق تورمه‌یدی.
اردوغان تورکیه ناقانونی مهاجرت‌گه قرشی جدی دېب ایتیشیچه “ناقانونی مهاجرت و مهاجرلر قاچاقچی‌لری برابریده غفلت‌ده قالمه‌یمیز، اۉتگن ایکی ییل ایچیده ۲۷۰ مینگ ناقانونی مهاجرلر چیگره‌لریمیزدن اوتیشی آلدی آلینگن.”
تورکیه جمهور باشلیغی مهاجرت مساله‌سی خصوصیده غربی مملکتلر یانده‌شوویدن هم تنقید قیلیب ادعا قیلیشیچه، غربی مملکتلرنینگ سیاستی انسان‌لرنی مهاجر بۉلیش‌گه مجبور قیلگن.
ایتیش کېره‌ک که استانبولده اۉتکزیلگن بو ییغین‌ده، اخیرگی یوز ییل ایچیده تورکیه‌ده مهاجرت مساله‌سی قندی بۉلگنی تیکشیریلماقده دیر.
تورکیه افغانستان اهالیسی مهاجرتی اوچون مهم مقصدلردن بیری دیر. افغانستان گواهی بۉلگن سیاسی، خوفسیزلیک و اقتصادی وضعیت کۉپلب انسان‌لرنی چیت ایل مملکتلری جمله‌دن تورکیه‌گه مهاجرت قیلیش‌گه مجبور قیلگن.
