سمنگان ولایتی مرکزی «آیبیک» شهری‌گه کېریش دروازه‌سیده، اۉزبېک تیلیدهگی یازوو طالبان تامانیدن اوچیریلگنی اَیتیله‌دی.
اوشبو دروازه‌دن اۉزبېک تی‌وی گه یوباریلگن بنرده، طالبان یالغیز پشتو و فارس تیللریده یازیب، اۉزبېک تیلیدهگی یازوونی اوچیرگنی کۉرینه‌دی.
سمنگان‌لیک فعال خادم اۉغلو سمنگانی، بو تۉغریده مناسبت بیلدیریب، طالبان نینگ سمنگان بلدیه‌سیده‌گی رسمی‌لرینی، اۉزبېک تیلی یۉق اېتیلیشی اوچون تیزیملی سعی‌وحرکت قیلیش‌گه عیب‌لگن.
شونینگدېک سمنگان‌لیک بو فعال، بلدیه مسووللریدن بو ولایت ۷۰ فایز تورک اهالیسی‌گه حرمت قیلیب، بنرده اۉزبېک تیلی‌ده هم یازیلیشینی طلب قیلگن.
بو درازه‌دن یوباریلگن صورت‌ده، دروازه قیته توزاتیلیشی اوچون ایش دوام اېتیب تورگنی کۉرینه‌دی.
ایتیش کېره‌ک که بوندن ایلگری، آیبیک شهری‌گه کېریش دروازه‌ده، اۉزبېک تیلی‌ده هم «آیبیک باستانی شهری‌گه خوش کېلیب‌سیز» دېگن عنوان یازیلگن اېدی.
