افغانستان سابق سیاسی سیمالریدن همده اۉزبېکلرنینگ تانیقلی سیمالریدن بیری سردارمحمد رحمان اۉغلی، اۉزی نینگ فیسبوک صحیفه‌سیده یازگن بیاناتیده، طالبان تامانیدن ناقللر تورکستان‌گه انتقال بېریلیشی برابریده مناسبت بیلدیرگن.
رحمان اۉغلو جنابلری طالبان حاکمیتیده‌گی تعصب‌نی اۉزی کورگن تجربه و واقعه‌لریدن بیری نینگ حکایه قیلیب، بو حاکمیت‌ده دینی ارزش‌لر و باشقه برچه ارزش‌لر تعصب‌لی اویلاولر اوچون ایش آلینه‌دی، دېب بیلدیرگن.
شونینگدېک افغانستان سابق بو سیاسی سیماسی، طالبان تورکستان‌گه ناقللر یوباریلیشی بیلن افغانستان شمالی ولایتلریده «پشتونی بیر کمربند» قوریش‌گه اولگورماقده‌لیگینی تاکیدلب، طالبان بو ریجه‌نی صلاحیت‌سیز اۉزبېک اعضاسی عبدالسلام حنفی آرقه‌لی عملگه آشیرماقده دېگن.
رحمان اۉغلو اۉزی نینگ بیاناتیده، عبدالسلام حنفی بو بیلن منقورت بۉلگن دېب تاکید قیلگن. دېیرلی تاریخ‌ده «منقورت» تورکلر تامانیدن خاین‌لر و اۉز بارلیگی و کیم‌لیگیدن یوز تارتکن شخص‌لرگه ایشله‌تیلیب کېلگن.
عینی حالده جناب رحمان اۉغلی، طالبان ناقللر انتقال بېریلیشی یخشی‌لب عملگه آشیریلیشی اوچون، ولایتلرده‌گی بیر قنچه آق‌سقاللر و قوم بویوکلری‌گه ییر ترقه‌تگن دېب هم ادعا قیلگن.
بونگه قوشیمچه افغانستان سابق سیاسی سیمالریدن سردارمحمد رحمان اۉغلی، ناقللرنی تورکستان‌گه انتقال بېریلیشی منطقه مملکتلری اوچون یامان عاقبت‌لرنی آلیب کېلیشی ممکنلیگیدن آگاه‌لنتیریب، منطقه‌ده‌گی تورکی مملکتلر رهبرلری نینگ بو حقده‌گی جیم‌لیگیدن تنقید قیلگن.
