افغانستان‌نی قوتقریش اوچون ملی مقاومت کېنگشی، بو تشکیلات تامانیدن بیر هیات، ایران اسلامی جمهوریتی‌گه سفر قیلگنینی اعلام قیلدی.
دېیرلی افغانستان سابق سیاسی سیمالری حاجی محمدمحقق ییتکچیلیگیده بۉلگن بو هیات اعضالری، جنبش حزبی اعضالریدن مولوی عبدالله قرلق، سابق سیاسی سیمالردن حاجی الماس زاهد، جمعیت حزبی نینگ اعضاسی خواجه محبوب صدیقی و اسلامی دعوت حزبی اعضاسی حبیب‌الرحمن سیاف‌دن عبارت دیر.
افغانستان‌نی قوتقریش اوچون ملی مقاومت کېنگشی، مذکور هیات سفری‌دن مقصد، ایران رسمی‌لری بیلن افغانستان‌لیک مهاجرلر احوالی تۉغریسیده صحبت قیلیش دېب بیان قیلدی.
بو کېنگش اۉزی نینگ بیاناتیده، اوشبو سفر افغانستان مهاجرلری اوچون قوله‌یلیکلر یره‌تیلشی و اولر قوللب-قوتلنیشی اوچون ثمره‌لی تمام بۉلیشی‌گه امید بیلدیرگن.
