طالبان صناعت و سوداگرلیک وزیرلیگی نینگ اعلام قیلیشیچه، بو حاکمیت تامانیدن یوقاری مرتبه‌لی بیر هیات، روسیه‌گه سفر قیله‌دی.
ایتیلیشیچه طالبان باش وزیری اقتصادی اۉرین باسری عبدالغنی برادر باشچیلیگیده بۉلگن اوشبو هیات ترکیبی‌ده، طالبان بیر قنچه وزیرلیکلری رسمی‌لری، جمله‌دن صناعت و سوداگرلیک وزیرلیگی سرپرستی نورالدین عزیزی هم حضوری بار دیر.
طالبان یوقاری مرتبه‌لی بو هیاتی روسیه نینگ کازان شهریده «روسیه و اسلام عالمی مجموعه‌سی» ییغینی‌ده، اشتراک قیلیشی ریجه‌لشتیریلگن.
طالبان صناعت و سوداگرلیک وزیرلیگی بو هیات انیق قچان سفر قیلیشی تۉغریسیده آرتیقچه تفصیلات بېرگن اېمس.
ایتیش کېره‌ک که بوندن ایلگری، روسیه جمهور باشلیغی نینگ افغانستان بۉییچه مخصوص وکیلی ضمیر کابلوف، یقین‌ده طالبان و روسیه یوقاری مرتبه‌لی رسمی‌لری آره‌سیده مهم ییغین‌لر اۉتکزیلیشینی اعلام قیلگن اېدی.
