تورکیه جمهور باشلیغی رجب طیب اردوغان، بو مملکت اهالیسی و دولت خادملری آره‌سیده شراب ایچیش‌نی عادی‌لشتیریش و کۉپه‌یتیریش مقصدیده بۉلگن، سعی‌وحرکتلر دوامی‌دن تنقید قیلدی.
اردوغان نینگ ادعا قیلیشیچه، بو حرکت اونگه قرشی حزب‌لر تامانیدن کۉپراق عملگه آشیریلماقده دیر و شراب ایچیش زمانه‌وی بۉلیش دېگن توشینچه جماعه‌ده یره‌تیلماقده دیر.
عینی حالده اردوغان، تورکیه حکومتی شراب ایچیش یا ایچمسلیک اوچون هیچ بیر شخص‌نی اوستیده باسیم کېلتیرمه‌یدی دېب هم تاکید قیلگن.
اردوغان اۉزی نینگ ایکس صحیفه‌سیده بو حقده یازگن بیاناتیده ایتیشیچه “شوندی که اۉتگن ۲۳ ییل ایچیده دوام اېتکن بیز کیمسه نینگ شخصی تیریکچیلیگیده همده ییماق و ایچماغی‌گه اره‌لشمه‌یمیز شونینگدېک الکل‌نی مدرنیته اورنگی اوله‌راق جماعه‌گه تانیشتیریش اوچون بۉلگن تعصب‌لی ایدیولوژی‌گه هم تَن بېره‌میز.”
عینی حالده اردوغان، جماعه ساغلام‌لیگی و هر قندی اعتیادگه قرشی کوره‌شیشلرنی دوام بېریش‌نی هم اورغوله‌گن.
