بوگون می آیی نینگ اوچینچی‌سی «خلق‌ارا یېتکیرمه‌لر ایرکین‌لیک کونی» بیلن ماس دیر.
افغانستان‌ده خلق‌ارا یېتکیرمه‌لر ایرکین‌لیک کونی بو ییل، شوندی بیرحالده ییتیب کېلماقده دیر که مملکتده یېتکیرمه‌لرنینگ ایرکین فعالیتی آغیر کونلرنی باش‌دن کیچیرماقده دیر.
حاضر افغانستان‌ده، یېتکیرمه‌لرنینگ نه یالغیز ایرکین فعالیتی بلکیم عادی فعالیتی هم طالبان نینگ جدی چیکلاولری آستیده قرار تاپکن.
طالبان افغانستان یېتکیرمه‌لرینی باسیم آستیده آلیب، جانلی دستورلر همده کمیده ۱۶ ولایتده جاندار ذاتلردن عکس و ویدیو نشر قیلیش‌نی تقیق‌لگن.
شوندی بیرحالده افغانستان‌ده اروپا اتفاقی نینگ نماینده‌لیگی، بو مملکت ژورنالیست‌لری اینقسه عیال ژورنالیست‌لری قوللب-قوتلنیشی‌گه تاکید قیلگن.
اروپا اتفاقی نینگ کابلده‌گی نماینده‌لیگی، ایکس صحیفه‌سیده اوچینچی می مناسبتی بیلن نشر قیلگن بیاناتیده، رواجلنگن بیر جماعه اوچون یېتکیرمه‌لر ایرکین‌لیگی مهم دېب تاکید قیلگن.
