بدخشان یشاوچیلری اجتماعی صحیفه‌لرده صورت و ویدیولرنی نشر قیلیب، بو ولایت ایریم منطقه‌لریده سوو تاشقینی صادر بۉلگنیدن خبر بېرماقده دیر.
بدخشان اهالیسی تامانیدن نشر اېتیلگن معلومات‌لرگه کۉره، اۉتگن آقشم‌دن بیری یوز بېرگن اوشبو واقعه عاقبتیده، اهالی آغیر زیان کۉرگن.
ایتیلیشیچه، سوو تاشقین بدخشان ایریم منطقه‌لریده یشش اوی‌لر و ایکینزارلرنی تخریب قیلگن و بهارک-فیض آباد یۉلی کبی ایریم قتناو یۉللرنی هم باغلب قویگن.
ایریم شخص‌لر سوو تاشقین‌لری جانی قربان‌لیکلرنی هم اۉرته‌گه آلیب کېلگنینی ادعا قیلسه‌ده، بیراق حاضرگه قدر بو مساله رسمی تصدیق‌لنگن اېمس.
ایتیش کېره‌ک که اخیرگی ییللر ایچیده، بهار موسومی افغانستان تورلی منطقه‌لریده سوو تاشقینی صادر بۉلیب اهالی‌دن جدی قربان‌لیک آلگن دیر.
