بیرلشکن ملتلر تشکیلاتی انسان حقلری کېنگشی نینگ افغانستان انسان حقلری بۉییچه مخصوص گزارشگری ریچارد بنت، افغانستان‌ده دوام اېتیب تورگن آغیر انسانی احوال، اینقسه سۉز ایرکین‌لیگی آغیر احوالی‌دن خواطر بیلدیردی.
ریچارد بنت اوچینچی می «خلق‌ارا یېتکیرمه‌لر ایرکین‌لیک کونی» مناسبتی بیلن اۉزی نینگ ایکس صحیفه‌سیده نشر قیلگن بیاناتیده، بو مساله‌نی تیلگه آلگن.
ریچارد بنت طالبان‌دن افغانستان‌ده محبوس ژورنالیست‌لر و یېتکیرمه‌لر خادملرینی آزاد اېتیشینی سۉره‌ب ایتیشیچه “اوچینچی می خلق‌ارا یېتکیرمه‌لر ایرکین‌لیک کونی، بیزگه انسان حقلری بوتونله‌ی نظرگه توتیلیشی اوچون یېتکیرمه‌لر ایرکین فعالیتی اوته مهم بۉلگنینی بیلدیره‌دی. مین طالبان‌دن حبسگه آلینگن برچه ژورنالیست‌لر تیزلیک بیلن آزاد اېتیلیشینی سۉره‌یمن.”
ایتیش کېره‌ک که بوگون خلق‌ارا یېتکیرمه‌لر ایرکین‌لیک کونی بیلن ماس دیر. اوشبو کون مناسبتی بیلن ینه بیربار افغانستان‌ده یېتکیرمه‌لر و ژورنالیست‌لر ایرکین فعالیتی برابریده‌گی توسیق‌لیکلر تیلگه آلینماقده دیر.
