بیرلشکن ملتلر تشکیلاتی انسان‌پرورلیک یاردملرینی هماهنگ‌لشتیریش اداره‌سی یا ده «اوچا»، افغانستان‌گه کۉرسه‌تیلگن انسان‌پرورلیک یاردملر اوچون مخصوص صندیق نینگ بیر ییللیک گزارشینی نشر قیلدی.
بوگون دوشنبه ۱۵ – ثور، نشر اېتیلگن اوشبو گزارش اساسیده، میلادی ۲۰۲۴ – ییل دوامی‌ده، ۷۴ میلیون دالر بودجه، مذکور صندیق اختیاریده قوییلگن.
دېیرلی بو بودجه دنیا بویلب تورلی مملکتلر تامانیدن، افغانستان‌گه انسان‌پرورلیک یاردملر کۉرسه‌تیلیشی مقصدیده تاپشیریلگن.
اوچا نینگ اعلام قیلیشیچه، اۉتگن ییلی افغانستان انسان‌پرورلیک یاردملری صندیغی‌گه باشقه مملکتلرگه نسبتن هالند کۉپراق یاردم بېرگن.
بو شوندی بیرحالده دیر که اخیرگی بیر ییل ایچیده، افغانستان‌گه کۉرسه‌تیلگن یاردملر رقمی آزه‌یگنی خبر قیلینگن اېدی.
