افغانستان ترانسپورت و هوا یۉللری وزیرلیگی نینگ هواشناسلیک اداره‌سی همده سوو و برق وزیرلیکلری علیحده، نشر قیلگن معلومات‌لریده، اېرته چهارشنبه کونی ۱۷ – ثور، مملکت ایریم منطقه‌لریده یامغیر یاغیشی و سوو تاشقینی یوز بېریشی کوتیلگنیدن خبر بېردی.
هواشناسلیک اداره‌سی تیکشیروی اساسیده، اېرته افغانستان ۱۱ ولایتیده، کوچلی یامغیر یاغیشی، چفماق همده بورانلر و سوو تاشقین‌لری صادر بۉلیشی، پیش‌بینلیک بۉلگن.
هواشناسلیک اداره‌سی اېرته افغانستان تورلی ولایتلریده یاغیشی کوتیلگن یامغیر، ۱۰ الی ۳۰ ملی‌متر بۉلیشینی بیلدیرگن.
عینی حالده، سوو و برق وزیرلیگی هم ثور آیی نینگ ۱۷ –سیدن ۱۹ –سیگه قدر افغانستان ایریم منطقه‌لر جمله‌دن « بدخشان، تخار، بغلان، سمنگان، بامیان، بلخ، سرپل، ارزگان، زابل، غزنی، خوست، پکتیا، پکتیکاه، لوگر، کابل، میدان وردک، پروان، پنجشیر، کاپیسا، لغمان، کنر، نورستان و ننگرهار» ولایتلریده، هوا یاغیشی و سوو تاشقینی صادر بۉلیشی ممکن دیر.
