طالبان کانلر و پترولیم وزیرلیگی نینگ اعلام قیلیشیچه، ایران اسلامی جمهوریتی نینگ کمپنیه‌لری، افغانستان کانلری اوستیده سرمایه یاتقیزیش‌گه تیار دیر.
طالبان کانلر و پترولیم وزیرلیگی تامانیدن نشر اېتیلگن معلومات اساسیده، کابلده ایران ایلچیسی علی‌رضا بیگدلی، بو وزیرلیک سرپرستی هدایت الله بدری بیلن اۉتکزگن اوچره‌شوویده، بو مساله‌نی تیلگه آلگن.
علی‌رضا بیگدلی، افغانستان کانلری ایکی تامانلمه همکارلیکلر کوچه‌یشی اوچون، یخشی فرصت یره‌تگن دېب هم تاکید قیلگن.
ایتیش کېره‌ک که بوندن ایلگری، طالبان کۉپلب مملکتلرنینگ افغانستان کانلری اوستیده سرمایه یاتقیزیش‌گه قیزیققنیدن خبر بېرگن. بیراق حاضرگه قدر بو مملکتلردن کۉپینچه‌سی عملی سرمایه یاتقیزیش‌گه باشله‌گن اېمس.
