امریکا قوشمه ایالتلری نینگ جمهور باشلیغی دونالد ترامپ، هندوستان و پاکستان مملکتلری آره‌لریده‌گی تۉقنه‌شوولر تیزلیک بیلن تۉخته‌تیلیشی اوچون موافقت قیلگنیدن خبر بېردی.
امریکا قوشمه ایالتلری نینگ جمهور باشلیغی اۉزی نینگ «تروت سوشیال» اجتماعی صحیفه‌سیده یازگن بیاناتیده، بو حقده خبر بېرگن.
ترامپ نینگ یازیشیچه ” خرسندمن که اعلام قیله‌من امریکا واسطه‌چیلیگیده، بیر کیچه‌لیک مذاکره‌دن کیین، هندوستان و پاکستان آره‌لریده‌گی تۉقنه‌شوولر تۉخته‌تیلیشی اوچون آتیش-کېسین‌نی قبول قیلدی‌لر.”
ایتیش کېره‌ک که اخیرگی کونلر ایچیده، هندوستان و پاکستان حکومتلری بیر بیراوی‌گه قرشی حربی هجوملرنی باشلهگن اېدی.
