طالبان صناعت و سوداگرلیک وزیرلیگی نینگ اعلام قیلیشیچه، اوشبو وزیرلیک سرپرستی نورالدین عزیزی، چین و پاکستان وکیللری بیلن بیر ییغین اۉتکزگن.
بو وزیرلیک تامانیدن ژورنالیست‌لر اختیاریده قوییلگن معلومات‌گه کۉره، مذکور ییغین‌ده اوچ تامانلمه اقتصادی همکارلیکلر همده سوداگرلیک علاقه‌لر آشیشی یۉللری محاکمه اېتیلگن.
طالبان صناعت و سوداگرلیک وزیرلیگی نینگ یازیشیچه “کابل‌ده سوداگرلیک علاقه‌لر کوچه‌یشی، سرمایه یاتقیزیش‌لرنی آشیریش و مشترک اقتصادی لایحه‌لرنی عملگه آشیریش مقصدیده، افغانستان، چین و پاکستان وکیللری آره‌سیده مهم بیر ییغین بۉلیب اۉتدی.”
ایتیش کېره‌ک که اخیرگی کونلر ایچیده، چین و پاکستان مخصوص وکیللری کابل کېلیب، طالبان بیلن تورلی ساحه‌لر تۉغریسیده ییغین‌لر اۉتکزماقده دیر.
بو ایکی مملکت وکیللری اۉتگن طالبان تشقی ایشلر وزیرلیگیده هم بیر ییغین اۉتکزگن اېدی.
