انسان حقلری فعاللری بیرلشمه‌سی بیر بیانات نشر قیلیب، بیرلشکن ملتلر تشکیلاتی نینگ افغانستان اوچون بۉلگن «موزاییک» ناملی ریجه‌سی برابریده، مناسبت بیلدیردی.
انسان حقلری فعاللری اۉز بیاناتیده بو ریجه اساسیده، بیرلشکن ملتلر تشکیلاتی طالبان منفعتی‌گه یاشیرین فعالیت قیلماقده‌لیگیدن خواطر بیلدیرگن.
دېیرلی انسان حقلری فعاللری بیرلشمه‌سی نینگ اعضالری، افغانستان‌ده بیرلشکن ملتلر تشکیلاتی نماینده‌لیگی یا ده «یوناما» فعالیت‌لریدن تنقید قیلیب، بو تشکیلات افغانستان خلقی‌گه یاردم بېریشی اۉرنیده، طالبان اوچون سیاسی قولهیلیکلر یره‌تیشگه اولگورماقده دېب اورغوله‌گن.
انسان حقلری فعاللری، یوناما بو فعالیت‌لرینی نظرگه توتگن حالده، بو تشکیلات فعالیتلری تۉخته‌تیلیشی کېره‌ک دېب تاکید قیلدی.
عینی حالده انسان حقلری فعاللری اۉزی نینگ بیاناتیده، بیرلشکن ملتلر تشکیلاتیده افغانستان چوکی‌سی بو مملکت اهالیسی‌گه تېگیشلی بۉلگنینی تاکیدلب یازیشیچه “اوشبو چوکی طالبان‌گه تاپشیریلیشی، ترورچی بو گروه سیاسی و حقوقی تانیلیشی دیر که بو مساله خلق‌ارا ترتیب، انسان حقلری و جهان خوفسیزلیگی اوچون فاجعه‌لی عاقبت‌لرنی اۉرته‌گه آلیب کېله‌دی. “
شونینگدېک انسان حقلری فعاللری، بوندی ریجه‌لر بیرلشکن ملتلر تشکیلاتی نینگ اصوللری و قرارلری‌گه قرشی دېب، ایچکی و خلق‌ارا مشروعیت‌گه ایگه بۉلمه‌گن بیر گروه بیلن هیچ قندی کېلیشوو بۉلمس‌لیگینی تاکیدلدی‌لر.
عینی حالده انسان حقلری فعاللری، بیرلشکن ملتلر تشکیلاتی‌دن افغانستان خلقی سیس‌نی ایشیتیش‌نی سۉره‌ب، افغانستان مساله‌سی اوچون تینیق و خلق اراده‌سی اساسیده بیر جریان آرقه‌لی ییچیم-یۉل تاپیش‌گه اولگوریشینی طلب قیلگن.
