بدخشان ولایتیده فعال اۉزبېک ییگیت‌لردن امدادالحق تورال، ایکی کون‌دن بیری طالبان قماقخانه‌سیده سقلنیب کېلماقده و حاضرگه قدر بو فعال تقدیری و نیمه سبب حبسگه آلینگنی بیللی اېمس.
امدادالحق تورال یقین‌لری اۉزبېک تی‌وی گه ایتیشیچه، حاضرگه قدر کۉپ اولگوریش بیلن اونینگ تقدیری همده حبسگه آلینگنی سببی تۉغریسیده، طالبان‌دن قانقرلی بیر جواب آلیش‌گه قادر بۉلمه‌گنلر.
شونینگدېک جناب تورال نینگ یقین‌لری، حاضر طالبان بدخشان‌لیک بو فعال‌نی، ارگو اولسواللیگیدن بدخشان مرکزی فیض‌آبادگه انتقال بېرگنینی هم معلوم قیله‌دیلر.
اولرنینگ تاکیدلشیچه، حاضر تورال جنابلری فیض‌آبادده، طالبان استخبارات اداره‌سی قماقخانه‌سیده سقلنیب کېلماقده دیر و طالبان بو فعال یقین‌لرینی هم او بیلن اوچره‌شیش‌گه رخصت بېرمه‌گن.
تورال حبسگه آلینیشیدن ایکی کون زمان اوتر اېکن، حاضرگه قدر طالبان یالغیز آته‌سینی کۉریش‌گه رخصت بېرگن و بو ملاقات‌ده هم تورال بیلن آته‌سی اۉرته‌سیده هیچ قندی صحبت بۉلمس‌لیگینی بویروغ بېرگن اېکن دېدی. تورال یقین‌لری اۉزبېک تی‌وی بیلن شریک قیلگن معلومات‌لریده.
