کابلده اروپا اتفاقی نینگ نماینده‌لیگی بیر بیانات نشر قیلیب، بوگون دوشنبه ۲۹ – ثور «اروپا انسان‌پرورلیک توپلنمه‌سی» نینگ تۉرتینچی دور ییغینی باشله‌نیشینی اعلام قیلدی.
بو تشکیلات تامانیدن نشر اېتیلگن معلومات‌گه کۉره، مذکور ییغین بروکسل شهری میزبان‌لیگیده بوگون باشلنیب، اېرته هم دوام اېته‌دی و ییغین‌ده افغانستان‌ده دوام اېتیب تورگن آغیر انسانی احوالگه ییچیم-یۉل هم قیدیریله‌دی.
اروپا اتفاقی نینگ افغانستان‌ده‌گی نماینده‌سی ورونیکا بوسکویچ پوهار اۉزی نینگ ایکس صحیفه‌سیده یازیشیچه “مېن بو ییغین‌ده، افغانستان انسانی آغیر احوالی سبب‌لری حقیده صحبت قیله‌من و بو خصوصده بۉلگن ملی همده خلق‌ارا ییچیم-یۉللر تۉغریسیده بحث قیله‌من.”
اروپا اتفاقی دنیاده ۳۰۵ میلیون انسان آغیر اقتصادی احوالده بۉلگنی و افغانستان جمعیتی‌دن ۲۰.۹ میلیون کیشی بو وضعیت‌دن زیان‌لنیب تورگن بیرحالده، اوشبو ییغین اۉتکزیلیشی اوته مهم دېب بیلدیرگن.
