طالبان صناعت و سوداگرلیک وزیرلیگی نینگ اعلام قیلیشیچه، بو وزیرلیک سرپرستی نورالدین عزیزی تورکیه قالین صناعتی بیرلشمه‌سی نینگ باشلیغی احمد دیلر بیلن اوچره‌شیب، تورکیه نینگ افغانستان قالین صناعتی‌دن حمایه‌لری حقیده صحبت قیلگن.
بو وزیرلیک تامانیدن نشر اېتیلگن معلومات اساسیده، تورکیه قالین صناعتی بیرلشمه‌سی نینگ باشلیغی، بو مملکت افغانستان قالین‌لری اروپا مملکتلریگه صادر اېتیلیشی خصوصیده همکارلیک قیلیش‌گه تیار دېب اعالام قیلگن.
احمد دیلر نینگ ایتیشیچه “ایکی مملکت بیرلشمه‌لری آره‌سیده همکارلیکلر کوچه‌یشی و افغانستان قالین‌لری اوستیده تورکیه سالیق‌لری آزه‌یشی بیلن بو قالین‌لر اروپا مملکتلریگه صادر اېتیلیشی اوچون زمینه یره‌تیله‌دی که بو ایش ایکی مملکت منفعتی‌گه دیر.”
شونینگدېک تورکیه قالین صناعتی بیرلشمه‌سی نینگ باشلیغی، افغانستان‌ده قالین ایشلب چیقاریلیشی بۉییچه سرمایه یاتقیزیلیشی و بو صناعت رواجلنیشی اوچون هم همکارلیک قیلیش اوچون تیارگرلیک کۉرسه‌تگن.
