جهان بانکی بیر بیانات نشر قیلیب، طالبان نینگ بو بانک تامانیدن افغانستان کمپنیه‌لری قرض‌لرینی توله‌ش حقیده‌گی ادعاسینی رد قیلدی.
جهان بانکی تامانیدن بو حقده نشر اېتیلگن بیانات‌گه بو بانک، مذکور کمپنیه‌لر بیلن افغانستان سابق حکومتی آره‌سیده شرطنامه امضالنگن، شو اوچون جهان بانکی مذکور قرض‌لرنی توله‌ش اوچون هیچ قندی بورچی یۉق دېب بیلدیریلگن.
جهان بانکی نینگ تاکیدلشیچه، بو بانک طالبان بیلن یالغیز اوشبو قرض‌لر بېریلیشی خصوصیده قوله‌یلیکلر یرهتیلیشی تۉغریسیده سۉزلشوو اۉتکزگنینی معلوم قیلدی.
عینی حالده، جهان بانکی بو بانک تامانیدن افغانستان رواجلنیش لایحه‌لر قیته باشلنیشی تۉغریسیده‌گی طالبان ادعاسینی هم رد قیلدی.
ایتیش کېره‌ک که طالبان مالیه وزیرلیگی بیر بیانات نشر قیلیب، جهان بانکی افغانستان‌ده لوجستیک و قوریلیشی کمپنیه‌لریگه ۵۰ دالر قرض‌لرنی توله‌یدی دېب ادعا قیلگن اېدی.
