جوزجان ولایتیدن بۉلگن منبع‌لردن بیری نینگ اۉزبېک تی‌وی گه یازیشیچه، بو ولایت نینگ ینگی توزالگن کسلخانه‌سیده، امکانیت همده دارو آزلیگی کتته معماگه اَیله‌نگن.
منبع نینگ اۉزبېک تی‌وی گه ایتیشیچه، جوزجان کسلخانه‌سی شفاکارلری امکانیت یۉق‌لیگی باعث، کسللرنی تیزلیک بیلن کسلخانه‌دن مرخص قیله‌دیلر.
شونینگدېک اۉزبېک تی‌وی گه یوباریلگن معلومات‌ده، جوزجان کسلخانه‌سیده دارو آزلیگی هم کسللرنی جدی قیینچیلیک بیلن یوز مه یوز قیلگنینی معلوم قیلیب، بو وضعیت سبب کسللر دارولرنی شخصی پوللریگه آلیش‌گه مجبور دېب بیلدیره‌دی.
عینی حالده اۉزبېک تی‌وی بیلن شریک اېتیلگن معلومات‌لرده، جوزجان ولایتیده، ساغلیق خادملری آی‌لیکلری هم اوچ آی‌دن بیری، طالبان تامانیدن بېریلمه‌گنی معلوم قیلینیب، بو آی‌لیکلر هم جدی آزه‌یگنی ادعا قیلینگن.
ایتیش کېره‌ک که اخیرگی آی‌لر ایچیده، طالبان تورلی اداره‌لری خادملری نینگ آی‌لیکلری کیچیکتیریلیشی ایریم شکایت‌لرنی اۉرته‌گه آلیب کېلگن.
