جرمنی نینگ برلین شهریده «بیز و افغانستان» عنوانی آستیده بیر ییغین اۉتکزیلیب، مملکتده دوام اېتیب تورگن انسان حقلری احوالی اینقسه خاتین-قیزلر یوز مه یوز بۉلیب تورگن وضعیت تیکشیریلدی.
ییغین اشتراکچیلری افغانستان‌ده انسان حقلری اینقسه خاتین-قیزلر وضعیت‌نی خواطرلی بیان قیلیب، بو وضعیت برابریده دنیا جیم‌لیگیدن تنقید قیلگنلر.
ییغین اشتراکچیلریدن اولیوه شمیت، افغانستان‌ده دوام اېتیب تورگن وضعیت‌نی، عیاللرگه قرشی تیزیملی تبعیض بیان قیلیب، افغانستان خاتین-قیزلری نینگ اۉقیش و ایشلش حقی‌دن محروم اېتیلیشی دوامی عاقبتیدن آگاه‌لنتیرگن.
شونینگدېک لاوا محمدی و شکیبا بابری هم بو ییغین‌ده بۉلگن نطق‌لریده، افغانستان‌ده عیاللر و ژورنالیست‌لرگه قرشی چیکلاولر و باسیم‌لرنی خواطرلی بیان قیلیب، بو وضعیت برابریده خلق‌ارا هم‌جمعیتی بی‌فرق بۉلمس‌لیگینی معلوم قیلدی‌لر.
عینی حالده ییغین اشتراکچیلریدن ینه بیری، خانم فرنگس سوگند، افغانستان‌ده طالبان قماقخانه‌لریده محبوس عیاللر احوالی‌دن تیارلنگن تدقیقاتی نتیجه‌سینی نشر قیلیب، بو تدقیقات اساسیده، طالبان قماقخانه‌لریده عیاللر فیزیکی و روحی زوره‌وانلیکلر بیلن دوچ بۉلگنینی اعلام قیلگن.
دېیرلی خلق‌ارا ایش بیلرمان‌لر، سیاستچی‌لر، انسان حقلری و مدنی فعاللر حضوریده اۉتکزیلگن بو ییغین‌ده، افغانستان ژورنالیست‌لری احوالی و جرمنی‌ده یشاوچی باش-پناه ایزلاوچیلر قیینچیلیکلری هم محاکمه اېتیلگن.
