بیرلشکن ملتلر تشکیلاتی نینگ جمعیت صندیغی، بوگون پنجشنبه ۱ – جوزا نشر قیلگن گزارشی‌ده، افغانستان‌ده انسان‌پرورلیک یاردملر بودجه‌سی آزه‌یگنی سبب‌لی ۶.۳ میلیون انسان ساغلیق خذمت‌لریدن محروم اېتیلیشیدن آگاه‌لنتیردی.
بو تشکیلات نینگ اعلام قیلیشیچه، بودجه آزلیگی سبب‌لی، افغانستان آلیس منطقه‌لریده‌گی کۉپلب ساغلیق مرکزلری و سیار کلینیک‌لر فعالیت‌لری تۉخته‌تیلیشی ممکن دیر.
دېیرلی بیرلشکن ملتلر تشکیلاتی جمعیت صندیغی‌گه کۉره، بو وضعیت‌دن کۉپراق عیاللر زیان کۉریشی ممکن. چونکه اولرگه قوتقرووچی ساغلیق یاردملری ییتکزیلمه‌یدی.
تشکیلات نینگ یازیشیچه “افغانستان‌ده بودجه آزلیگی باعث ۶.۳ میلیون کیشی که اولردن کۉپینچه‌سی خاتین-قیزلر دیر ضروری ساغلیق خذمت‌لری جمله‌دن آنه‌لری ساغلیگی اوچون قوتقرووچی خذمت‌لردن محروم اېتیله‌دی. آلیس منطقه‌لرده‌گی یوزلرچه ساغلیق مرکزلری و سیار کلینیک‌لر فعالیتی تۉخته‌تیله‌دی.”
ایتیش کېره‌ک که بوندن ایلگری هم، بیرلشکن ملتلر تشکیلاتی بودجه آزلیگی سبب‌لی افغانستان‌ده اۉنلرچه ساغلیق مرکزلری فعالیتی تۉخته‌تیلیشی ممکن‌لیگیدن خبر بېرگن اېدی.
